Article – City of Tayabas Website

20 December 2025

Mahigit 1,100 Estudyante sa Tayabas, Nakatanggap ng Dagdag-Baon Educational Assistance

DAGDAG BAON PAYOUT || Pinangunahan ni Mayor Piwa Lim ang pamamahagi ng dagdag-baon sa sanlibong (1000) senior at junior high school students, at sandaan labing-anim (116) na college students sa Lungsod ng Tayabas ngayong Sabado, December 20, 2025, sa Atrium ng New Tayabas City Hall.

Umabot sa P1,848,000 ang kabuuang halaga ng dagdag-baon na ipinamahagi sa mga indigent student-beneficiaries na sumailalim sa mahigpit na pamantayan para mapabilang sa Dagdag-Baon Educational Assistance Program ng Lokal na Pamahalaan ng Lungsod ng Tayabas.

Kasama ni Mayor Piwa Lim sa ginawang payout sina Konsehal Jerry Talaga, Carmelo Cabarrubias, Luz Cuadra , Riza Llaneta, Elsa Rubio, Ana Obispo, SK Federation President Miguel Obdianela, at PKB President Conrado Aragon.

Ang mga kawani ng City Treasurer's Office at City Social Welfare and Development Office ang namahala sa pamamahagi ng dagdag-baon.

#LungsodnaInyongMaipagmamalaki

Source: Tayabas City CICRO - City Information and Community Relations Office