Article – City of Tayabas Website

20 December 2025

256 Senior Citizen, Tumanggap ng Tig-P3,000 Social Pension sa Tayabas

MGA SENIOR CITIZEN NG BARANGAY IBAS, LALO, CAMAYSA AT DAPDAP, TUMANGGAP NG TATLONG LIBONG PISO NA SOCIAL PENSION BUHAT SA DSWD.

Mismong si Mayor Piwa Lim at mga kasamang Konsehal na sina Jerry Talaga, Carmelo Cabarrubias, Luz Cuadra , Riza Llaneta, Elsa Rubio, Ana Obispo, SK Federation President Miguel Obdianela, at PKB President Conrado Aragon ang nanguna sa payout ng social pension para sa mga lolo at lola ng Barangay Ibas, Dapdap, Camaysa at Lalo ngayong Sabado, December 20, 2025, sa Dapdap Covered Court.

Umabot sa dalawandaan limampu't anim (256) na senior citizens ang nakatanggap ng tig-tatlong libong piso (P3,000) na katumbas ng tatlong buwang social pension buhat sa Department of Social Welfare and Development.

Pinamahalaan ng mga kawani ng City Treasurer's Office at City Social Welfare and Development Office ang pamamahagi ng Social Pension for Qualified Senior Citizens.

#LungsodnaInyongMaipagmamalaki

Source: Tayabas City CICRO - City Information and Community Relations Office