Matagumpay na naisagawa ang Opening Ceremony and Signing of Memorandum of Agreement sa pagitan ng Lokal na Pamahalaan ng Lungsod ng Tayabas at Philippine Statistics Authority ngayong Lunes, February 2, 2026.
Kapwa lumagda sina City Mayor Piwa Lim at PSA Calabarzon Regional Director Charito Armonia, na sinaksihan nina PSA-Lucena-Quezon Officer-in-Charge Normita Pagkatipunan at City Civil Registrar Maide O. Jader, sa kasunduan na naglalaman ng mga probisyon sa paggamit ng Electronic Civil Registration and Vital Statistics (eCRVS), at Administrative Petition for Correction Automated System (APCAS).
Bago ito ay nagkaroon ng presentation sina PSA Calabarzon Registration Officer Juliedin Nohay tungkol sa National ID Authentication System (NIDAS), at LGU Tayabas City ICT Head Dr. Raymond Bermudez tungkol naman sa Integrated Barangay Civil Registration and Information System o iBCRIS.
Naging makabuluhan ang unang araw ng 36th Civil Registration Month na may temang “Navigating the Future Together: Advancing CRVS in Shaping the Global and Regional Data Ecosystem” sa Lungsod ng Tayabas na sinimulan sa isang motorcade at sinundan ng MOA Signing na kapwa pinamahalaan ng Local Civil Registry Office.
Bukod kina Mayor Piwa Lim, RD Charito Armonia, PSA-Quezon OIC Normita Pagkatipunan at RO-III Juliedin Nohay, kabilang din sa mga panauhin na dumalo sa Opening Ceremony and MOA Signing ang animnapu’t anim na kapitan ng barangay, mga kalihim, mga kawani ng lokal na pamahalaan sa pamumuno ni City Administrator Atty. Voltaire Dela Cruz, Vice Mayor Oro Dalida at mga miyembro ng Sangguniang Panlungsod na sina Konsehal Dino Romero, Konsehal Ana Obispo, Konsehal Jerry Caagbay, Konsehal Jerry Talaga, Konsehal Luz Cuadra, Konsehal Phaula Nadres, Konsehal Riza Llaneta, Konsehal Elsa Rubio, Konsehal Manny Maraig, Konsehal Melo Cabarrubias, PKB President Conrado Aragon at SK Federation President Ren Miguel Obdianela.
Inaasahang lubos na pakikinabangan ng mga Tayabasin ang apat na digital systems lalo na ang mga barangay dahil sa magagandang features nito. Naghahanda na rin ang lungsod para sa posibleng integration ng local citizen’s app sa National ID System para higit na mapadali, maging episyente at maiwasan ang duplication at pangloloko sa paghingi ng serbisyo sa pamahalaan.
Sa mga mensaheng ibinahagi nina Mayor Piwa Lim, Vice Mayor Oro Dalida, Regional Director Charito Armonia, PSA-Quezon OIC Normita Pagkatipunan, City Administrator Atty. Voltaire Dela Cruz at CCR Maide Jader ay kapwa binibigyang-diin ang benepisyong makukuha sa digitalized systems and procedures na magpapa-alwan sa pagkuha ng mga kinakailangang dokumento, impormasyon, datos at serbisyo sa lokal na pamahalaan.
