Article – City of Tayabas Website

4 May 2026

Tayabas Component City Police Station, Ginawaran ng Medalya ng Kagalingan sa Matagumpay na Operasyon

Buong pagmamalaking iprinesenta ni Tayabas Component City Police Station Chief PLTCOL Elizabeth Noblejas Capistrano kay Tayabas City Mayor Piwa Lim ang nakamit na Medalya ng Kagalingan na kumikilala sa natatanging serbisyo sa pagpapatupad ng batas ng mga tauhan ng lokal na himpilan ng pulisya.

Pinarangalan ang kapulisan ng Tayabas CCPS dahil sa matagumpay na pagsisilbi ng warrant of arrest sa isang most wanted person sa rehiyon. Pinatunayan ng nasabing operasyon ang mataas na antas ng propesyonalismo at dedikasyon ng kapulisan sa kanilang tungkulin.

Nagpapasalamat at nagpupugay ang Lokal na Pamahalaan ng Lungsod ng Tayabas sa patuloy na pagsisikap ng mga alagad ng batas sa pagpapanatili ng kaayusan at kaligtasan sa Lungsod ng Tayabas.

#LungsodnaInyongMaipagmamalaki

Source: Tayabas City CICRO - City Information and Community Relations Office