Article – City of Tayabas Website

25 June 2026

Pintura, Grass Cutter at School Supplies, Inihatid nina Mayor Piwa Lim at Governor Helen Tan sa mga Paaralan

PINTURA AT GRASS CUTTER PARA SA ILANG ESKWELAHAN SA LUNGSOD NG TAYABAS, SCHOOL SUPPLIES PARA SA MGA MAG-AARAL ang inihatid na tulong ni Mayor Piwa Lim, katuwang si Governor Angelina “Doktora Helen” Tan, noong Miyerkules, June 24, 2026.

Nakatanggap ng tig-tatlong balde ng pintura ang Potol Elementary School at Dapdap Integrated High School. Samantalang dalawang balde ng pintura at isang grass cutter naman ang natanggap ng Calumpang Elementary School buhat kay Governor Helen Tan. Bahagi ito ng suporta ng gobernador sa Brigada Eskwela 2026.

Mga school supplies naman ang ipinamahagi ni Mayor Piwa Lim sa mga mag-aaral.

Pinangunahan ni Mayor Piwa Lim ang paghahatid kasama sina Konsehal Jerry Talaga, Konsehal Dino Romero, Konsehal Jerry Caagbay, Konsehal Luz Cuadra, Konsehal Elsa Rubio, ABC President Conrado Aragon, STAN Satellite District Officer Jay Jeric Lavado, 4K District Coordinator Lorie Abadilla, at San Roque Zone-1 Barangay Chairperson Randal Obdianela

Nagpahayag ng pasasalamat ni Mayor Piwa Lim sa patuloy na suporta ni Governor Helen Tan sa sektor ng edukasyon. Aniya, malaking tulong ang mga ipinamahaging kagamitan at mga programang pang-edukasyon upang higit na mapabuti ang kalagayan ng mga paaralan at matiyak ang de-kalidad na edukasyon para sa mga kabataang Tayabasin.

#LungsodnaInyongMaipagmamalaki

Source: Tayabas City CICRO - City Information and Community Relations Office