
14
Jan 2025
Health
News
Technology
ISINAGAWA ANG PAGLILINGKOD NA MAY PUSO CARAVAN SA SITIO PULONG IPOT, BARANGAY LITA.

Ngayong Martes, January 14, 2025, nagtungo ang mga tauhan ng Office of the City Mayor-Mobile Health and Medical Emergency Response Team kasama ang ilang tanggapan ng Lokal na Pamahalaan ng Lungsod ng Tayabas sa Sitio Pulong Ipot, Barangay Lita, para ilapit sa mga residenteng naninirahan doon ang Paglilingkod na may Puso Caravan.
Pinangunahan ni OCM-MHMERT Team Leader/Assistant City Health Officer Dr. Ma. Graciela Derada-De Leon ang paghahatid ng libreng konsulta, ECG, X-ray at ba’t-ibang uri ng laboratory, diagnostic. Samantalang nanood din ang CHO-Dental Section para magsagawa ng libreng dental services.
Doon din nagsagawa ng off site services ang ilang tanggapan ng Pamahalaang Lokal gaya ng City Social Welfare and Development Office (CSWDO), Office of the City Library, City Veterinary Office, ity Civil Registrar Office, Public Employment Services Office (PESO), City Civil Registrar Office at OCM-Information and Communication Technology (ICT) Section.
Lubos naman ang suporta ni Acting Vice Mayor Rosauro “Oro” Dalida sa isinasagawang Paglilingkod na may Puso Caravan para ilapit ang libreng medical, laboratory, diagnostic at dental services sa mga residenteng nasasakupan ng Lungsod ng Tayabas.

