11
Dec 2024
Education
News
MGA KWALIPIKADONG MAG-AARAL SA COLLEGE, SENIOR HIGH SCHOOL AT JUNIOR HIGH SCHOOL TUMANGGAP NG MAAGANG PAMASKO MULA KAY MAYOR LOVELY REYNOSO-PONTIOSO SA ILALIM NG DAGDAG-BAON PROGRAM.
Pinangunahan ni Mayor Lovely Reynoso-Pontioso ang pamamahagi ng dagdag-baon sa isang libong (1,000) kwalipikadong mag-aaral sa college, senior high school, junior high school sa Lungsod ng Tayabas ngayong Biyernes, December 6, 2024.
Nagkakahalaga ng apat na libong piso (P4,000) dagdag-baon ang ipinamahagi para sa dalwandaan at limampung (250) mag-aaral sa college, at dalwang libong piso (P2,000) naman para sa pitundaan at limampung (750) mag-aaral sa SHS at JHS na pawang kapos sa kakayahang pinansyal.
Ang nasabing indigent student-beneficiaries ay sumailalim at pumasa sa mahigpit na pamantayan para mapabilang sa Dagdag Baon Educational Assistance Program ng Pamahalaang Lokal ng Lungsod ng Tayabas.
Ang mga kawani ng City Treasurers Office at City Social Welfare Office ang namahala sa pamamahagi ng dagdag-baon program. Nakiisa din sina Konsehal Elsa Rubio, Konsehal Luz Cuadra, at Konsehal Carmelo Cabarrubias.
