25
Feb 2025
Pinakinabangan ng mga residente ng Brgy. Opias, Brgy. Mateuna, at Brgy. Banilad ang libreng medical consultation, gamot, ECG, X-ray at iba’t-ibang uri ng laboratory, diagnostic services, dental services, at offsite services ng iba’t ibang tanggapan ng pamahalaang lokal na kasama sa Serbisyong Reynoso Caravan ngayong Martes, February 25, 2025.
Pinangunahan ni OCM-MHMERT Team Leader/Assistant City Health Officer Dr. Ma. Graciela Derada-De Leon ang paghahatid ng libreng konsulta, ECG, X-ray at iba’t-ibang uri ng laboratory at diagnostic services. Samantalang nandoon din ang CHO-Dental Section para magsagawa ng libreng dental services.
Doon din nagsagawa ng off site services ang ilang tanggapan ng Pamahalaang Lokal gaya ng City Social Welfare and Development Office (CSWDO), Office of the City Library, City Veterinary Office, City Civil Registrar Office, Public Employment Services Office (PESO), City Agriculture Office Office, City Environmental and Natural Resources Office (CENRO), City Civil Registrar Office at OCM-Information and Communication Technology (ICT) Section.
Nakiisa sa caravan ang ilang kawani ng Maxima De Humana International, Inc. at Fil-Gulf Manpower and General Services Inc. para magasawa ng onsite overseas and local job recruitment.
Kagaya ng palaging pangako ni Mayor Lovely Reynoso-Pontioso, “sa Lungsod ng Tayabas ang pag-aalaga sa kalusugan ng mga Tayabasin ay prayoridad ng administrasyon.” At ang Serbisyong Reynoso Caravan ay patunay ng pagpapahalaga sa kalusugan ng mga Tayabasin.
