04
Feb 2025
Dumako sa Sitio Ilaya, Barangay Baguio ang “Paglilingkod ng may Puso Caravan” upang maghatid ng libreng gamot, magsagawa ng ECG, X-ray at iba’t-ibang uri ng laboratory at diagnostic services.
Kasama din sa caravan ang ilang tanggapan ng Lokal na Pamahalaan ng Lungsod ng Tayabas gaya ng City Social Welfare and Development Office (CSWDO), Office of the City Library, City Veterinary Office, City Civil Registrar Office, Public Employment Services Office (PESO), City Environmental and Natural Resources Office at OCM-Information and Communication Technology (ICT) Section.
Nakiisa rin sa Caravan ang Philippine Statistics Office kung saan maaring mag-register ang mga Tayabasing wala pang National ID. Nag-iissue rin sila ng E-Phil ID o Electronic Copy ng ID kung sakaling kailangan ng mabilisang kopya ng National ID.
Pinamahalaan ni OCM-MHMERT Team Leader/Assistant City Health Officer Dr. Ma. Graciela Derada-De Leon ang health caravan ngayong Martes, February 4, 2025.
Lubos naman ang suporta ni Acting Mayor Rosauro “Oro” Dalida sa isinasagawang Paglilingkod na may Puso Caravan para ilapit ang libreng medical, laboratory, diagnostic at dental services sa mga residenteng nasasakupan ng Lungsod ng Tayabas.
