18
Dec 2024
Hindi tumitigil Mayor Lovely Reynoso-Pontioso sa pagsuporta sa mga gawain ng magsasakang Tayabasin. Kaya ngayong Miyerkules, December 11, 2024 ay ipinauwi sa sampung piling magsasaka ang sampung (10) inahining kalabaw na hindi lamang makakatulong sa gawaing pangsakahan bagkus maipapamahagi rin sa iba pang magsasaka ang mga magiging anak nito.
Pinangunahan ni Vice Mayor Oro Dalida kasama sina Konsehal Dino Romero at si City Agriculturist Rommel Abuyan ang pamamahagi ng paiwing kalabaw buhat sa pondo ng Pamahalaang Lokal ng Lungsod ng Tayabas.
