08
Apr 2025
Sa Anak ni Ninong’s Resto Bar, Barangay Kanlurang Palale nagsilbi ngayong Martes, April 8, 2025, ang mga tauhan ng Office of the City Mayor-Mobile Health and Medical Emergency Response Team kasama ang ilang tanggapan ng Lokal na Pamahalaan ng Lungsod ng Tayabas para ilapit sa mga residenteng naninirahan doon ang Serbisyong Reynoso Caravan. Pinangunahan ni OCM-MHMERT Team Leader/Assistant City Health Officer Dr. Ma. Graciela Derada-De Leon ang paghahatid ng libreng konsulta, ECG, X-ray at iba’t-ibang uri ng laboratory at diagnostic.
Samantalang nandoon din ang CHO-Dental Section para magsagawa ng libreng dental services.
Doon din nagsagawa ng off site services ang ilang tanggapan ng Pamahalaang Lokal gaya ng City Social Welfare and Development Office (CSWDO), Public Employment Services Office (PESO), City Agriculture Office Office, City Civil Registrar Office, Office of the City Library, City Veterinary Office at OCM-Information and Communication Technology (ICT) Section.
Suportado naman ni Mayor Lovely Reynoso-Pontioso at muli niyang sinigurado na “sa Lungsod ng Tayabas ang pag-aalaga sa kalusugan ng mga Tayabasin ay patuloy na nasa puso natin.” Ang Serbisyong Reynoso Caravan ay ang patunay ng pagpapahalaga sa kalusugan ng mamamayang Tayabasin.
