26
Mar 2025
Isandaan labing-anim (116) na benepisyaryo ng Special Program for the Employment of Students o SPES ang nanumpa at lumagda ng kontrata sa harap ni Mayor Lovely Reynoso-Pontioso sa Atrium ng New Tayabas City Hall ngayong Miyerkules, March 26, 2025.
Nakatakdang magsimula sa kanilang pagtatrabaho ang mga SPES Beneficiaries sa buwan ng April 2025 at matatapos sa buwan ng June 2025. Sila ay magtatrabaho ng dalwampung (20) araw sa mga tanggapan ng Lokal na Pamahalaan ng Lungsod ng Tayabas.
Naging panauhin sa programa si DOLE IV-A Quezon Provincial Office Employment Focal Person Abigail Gilpo at Konsehal Luz Cuadra.
Ang tanggapan ng OCM- Public Employment Service Office sa pamumuno ni PESO Manager Mary Lou D. Montoya ang namahala sa programa.
