𝗣𝗮𝗻𝗴𝗮𝗻𝗴𝗮𝗹𝗮𝗴𝗮 𝘀𝗮 𝗞𝗮𝘀𝗮𝘆𝘀𝗮𝘆𝗮𝗻, 𝗣𝗮𝗴𝗺𝗮𝗺𝗮𝗵𝗮𝗹 𝘀𝗮 𝗣𝗮𝗺𝗮𝗻𝗮!

Sa pangunguna ng Manileños For Heritage, matagumpay na naisagawa noong Oktubre 11, 2025 ang muling pagpapatingkad ng 𝗣𝗮𝗻𝗮𝗻𝗱𝗮𝗻𝗴 𝗣𝗮𝗻𝗴𝗸𝗮𝘀𝗮𝘆𝘀𝗮𝘆𝗮𝗻 𝗻𝗴 𝗖𝗮𝘀𝗮 𝗖𝗼𝗺𝗺𝘂𝗻𝗶𝗱𝗮𝗱 𝗱𝗲 𝗧𝗮𝘆𝗮𝗯𝗮𝘀.

Ang proyektong ito ay simbolo ng patuloy na pagtutulungan ng mga mamamayan at mga organisasyon na may malasakit sa kasaysayan at kultura, upang mapanatiling buhay at makulay ang ating mga makasaysayang pook.

Ang Casa Communidad de Tayabas ay isa sa mga pinakatampok na istrukturang nagpatotoo sa yaman ng ating kasaysayan. Dating sentro ng pamahalaan noong panahon ng mga Espanyol at ngayon ay isa sa mga pangunahing pamanang gusali sa lungsod.

Lubos ang pasasalamat ng Pamahalaang Lungsod ng Tayabas sa Manileños For Heritage at sa lahat ng mga nakiisa sa gawaing ito. Ang inyong malasakit ay inspirasyon upang lalo pa nating pagyamanin at pangalagaan ang mga pamanang nagpapatibay ng ating pagkakakilanlan bilang mga Tayabasin at bilang mga Pilipino.