04
Oct 2024
Health
News
TINGNAN || SERBISYONG REYNOSO MOBILE HEALTH SERVICES SA MGA RESIDENTE NG BARANGAY POTOL.
TINGNAN || SERBISYONG REYNOSO MOBILE HEALTH SERVICES SA MGA RESIDENTE NG BARANGAY POTOL.
Konsulta sa doktor, mga kinakailangang gamot, laboratory tests, ultrasound, x-ray, ECG, at iba pang serbisyo. Lahat libre. At hindi na mamamasahe dahil mismong ang mga kawani ng pamahalaang lokal ang pumunta sa Barangay Potol para paglingkuran ang mamamayan.
Maagang pumwesto sa Barangay Hall ang mga tauhan ng OCM-MHMERT, Civil Registry at ICT Section para ihatid ang Serbisyong Reynoso Mobile Health Services sa mga residente ng Barangay Potol ngayong umaga ng Huwebes, October 3, 2024.
Hindi lamang serbisyong pangkalusugan, maging ang tanggapan ng City Civil Registry at ICT Section ay may offsite services doon.
Ang Serbisyong Reynoso Mobile Health Services ay inilunsad ni Mayor Lovely Reynoso-Pontioso para ipagkaloob sa mga residente ng Lungsod ng Tayabas ang mga libreng serbisyong medikal na kinapapalooban ng Health Consultation, Laboratory and Diagnostic Services, Ultrasound, ECG at X-ray.
Naging katuwang ng OCM-MHMERT sa Mobile Health Services ang mga BHW at Sangguniang Barangay ng Potol sa pangunguna ni Kapitan Ariel Aranilla.
