18
Nov 2024
News
EOC OPERATIONS EXECUTIVE TRAINING, MALABON EOC BENCHMARKING, MATAGUMPAY NA NAISAGAWA NG TAYABAS CDRRM COUNCIL.
Tatlong araw na sumailalim sa pagsasanay ang mga miyembro ng Tayabas City Disaster Risk Reduction and Management Council na may layuning madagdagan ang kaalaman sa Emergency Operations Center.
Pinangunahan ni Mayor Lovely Reynoso-Pontioso, na siya ring TCDRRMC Chairperson, ang delegasyon na unang nagtungo sa Malabon City EOC para makipagpalitan ng best practices at matunghayan ang operasyon ng kanilang command center noong Miyerkules, November 13, 2024.
Ginugol naman ang pangalawa at pangatlong araw sa pagsasanay sa EOC executive training na nagbigay dagdag kaalaman sa functions and operation ng emergency operations center, incident command system, at incident management team.
Mga eksperto buhat sa Quezon PDRRMO ang naging tagapagsanay sa 3-day seminar na inorganisa ng mga tauhan ng Tayabas CDRRM Office, na magtatapos ngayong Biyernes, November 15, 2024 sa West Avenue Suites, Quezon City.
