12
Nov 2024
Events
News
Iginawad sa Lungsod ng Tayabas ang National Contender for the 1st Year Consistent Regional Winner in Nutrition (Crown) Maintenance Award.
Iginawad sa Lungsod ng Tayabas ang National Contender for the 1st Year Consistent Regional Winner in Nutrition (Crown) Maintenance Award. Buong galak na tinanggap ni Mayor Lovely Reynoso-Pontioso, kasama si City Nutrition Officer Manel Z. Chong ang plaque sa kakatapos na 2024 CALABARZON Regional Nutrition Awarding Ceremony sa Acacia Hotel, Alabang, Muntinlupa City, ngayong Lunes, November 11, 2024.
Tumanggap naman ng medalya ng pagkilala si City Nutrition Action Officer Marinela Z. Chong bilang Finalist sa Regional Outstanding City/Municipal Nutrition Action Officer.
Medalya ng pagkilala at cash prize naman ang tinanggap ni Judith T. Naynes bilang Finalist sa Regional Outstanding Barangay Nutrition Scholar. Samantalang plake ng pagkilala bilang Finalist sa Regional Outstanding Barangay Nutrition Committee ang iginawad sa Barangay Dapdap na kinatawan ni Kagawad Dorielyn Ebora at Mona Dayahan.
Sunod-sunod na karangalan ang natatanggap ng Lokal na Pamahalaan ng Lungsod ng Tayabas dahil sa magagandang programang pangkalusugan na puspusang itinataguyod ng administrasyon ni Mayor Lovely Reynoso-Pontioso.
