08
Mar 2025
Agriculture
Education
News
Resources
Sandaan walumpu’t anim (186) na college freshmen ng Colegio de la Ciudad de Tayabas ang nakiisa sa Tree Planting activity sa Forestland.
Sandaan walumpu’t anim (186) na college freshmen ng Colegio de la Ciudad de Tayabas ang nakiisa sa Tree Planting activity sa Forestland, Brgy. Ibabang Palale ngayong Sabado, March 8, 2025.
Umabot sa sandaan at walumpu’t anim (186) na narra seedlings ang itinanim ng mga estudyante mula sa College of Science in Tourism Management, Entrepreneurship, Computer Science, at Culture and Arts Education.
Ang tree planting activity ay bahagi ng National Service Training Program (NSTP) na pinamumunuan ni Head Coordinator John Herson T. Unlayao. May layunin itong pangalagaan ang inang kalikasan at maibsan ang pagtaas ng temperatura ng mundo o global warming.
Suportado ni Mayor Lovely Reynoso-Pontioso ang nasabing aktibidad upang higit na mapangalagaan ang kalikasan lalo’t higit sa Lungsod ng Tayabas.
Ang Colegio de la Ciudad de Tayabas katuwang ang City Environment and Natural Resources Office (CENRO), Disaster Risk Reduction Management Office (DRRMO), at mga guro ang namuno sa nasabing tree planting activity.
