03
Jun 2025
Inilapit sa mga “Malao-ahin” ang libreng serbisyong handog ng Mobile Health Caravan ngayong Martes, June 3, 2025, para hindi na mahirapan ang mga naninirahan sa Brgy. Maloa-a at karatig barangay na magpakonsulta, magpa-ECG, magpa-Ultrasound, sumailalim sa iba’t-ibang uri ng laboratory services, maging mga diagnostic services ng OCM-MHMERT, at dental services ng mga tauhan ng CHO-Dental Section.
Kasama ding umikot sa Barangay ang ilang tanggapan ng Pamahalaang Lokal ng Tayabas para magsagawa ng offsite services gaya ng City Social Welfare and Development Office (CSWDO), City Civil Registry Office, Office of the City Library, City Agriculture Office, City Health Office-Dental Section, Public Employment Services Office (PESO) at OCM-Information and Communication Technology (ICT) Section.
Pinamunuan ni Office of the City Mayor-Mobile Health and Medical Emergency Response Team (OCM-MHMERT) Leader and Assistant City Health Officer, Dr. Ma. Graciela Derada-De Leon, ang paghahatid ng iba’t-ibang serbisyong dala ng Mobile Health Caravan. Naging katuwang ng OCM-MHMERT sa isinagawang Mobile Health Caravan ang mga BHW at Sangguniang Barangay ng Malao-a.
