13
May 2025
Events
News
Dinagsa ng mga first time jobseekers at ibang mga nagnanais na makahanap ng trabaho ang PESO Job Fair and Mobile Services ngayong Martes, May 13, 2025
Dinagsa ng mga first time jobseekers at ibang mga nagnanais na makahanap ng trabaho ang PESO Job Fair and Mobile Services ngayong Martes, May 13, 2025 sa Tayabas Satellite Market, Barangay Wakas.
Ang PESO Job Fair and Mobile Services ay progama ng Lokal na Pamahalaan ng Lungsod ng Tayabas na taunang isinasagawa tuwing Mayohan sa Tayabas Festival.
Layunin nitong matulungan ang mga mamamayang Tayabasin na makahanap ng hanapbuhay.
Ang mga nagnanais mag-apply ay pinapayuhang maghanda sa on-site job interview and on-the-spot hiring ng alinman sa mga employers na nakiisa sa Job Fair kabilang ang Grang Life and Development Corporation, Banner Plasticard inc., Kuda Eco Friendly Corporation, Neat Engagements Company, Inc., PKI Manufacturing & Technology, Inc., Maxim De Humana International, Inc., Velfram Foods Corporation, One Source General Solutions, Inc., CDO Foodsphere, Inc., Heru Human Resource Specialist Co. Inc., Northpoint Development Bank, Alfamart Trading Philippines Inc., Tulay sa Sag-unlad, Inc., Ace Hardware Philippines Inc., Gadc-Mcdonalds Primark Tayabas City, Miescor Builder inc., at Home Credit.
Samantalang sa mga nagnanais magtrabaho sa Kingdom of Saudi Arabia, Kuwait, Dibai at UAE ay mayroong overseas employment agencies kagaya ng Clyde International Manpower Company, Fil-gulf Manpower & En.Services, Inc., at Al Assal Manpower, Inc.
Nagset up naman Mobile Services counters ang iba’t-ibang tanggapan gaya ng SSS, PHILHEALTH and PAG-IBIG para sa Membership Application, Verification and Change of Status; Philippine Statistics Authority (PSA) para sa Issuance of PSA Birth and Marriage Certificate; Online Appointment for NBI Clearance; Online Appointment for Police Clearance; Online Appointment for Passport Application (DFA); Tayabas City Civil Registry Office para Free Certified Copy of Birth and Marriage Certificate (Tayabas); City Treasurer’s Office para sa Issuance of Community Tax Certificate or Cedula; at DTI Negosyo Center Tayabas para sa Registration of Business.
Ang tanggapan ng Public Employment Service Office sa pamumuno ni PESO Manager Malou Montoya katuwang ang Quezon Provincial PESO ang namahala sa job fair.
